Дональд Трамп МРТ-дан өтті

Президент Дональд Трамп жақында Уолтер Рид атындағы ұлттық әскери медициналық орталығында тексеру кезінде МРТ-дан өткенін жариялап, қорытындылары мінсіз болғанын атап өтті, деп хабарлады sadaq.kz cайты CBS News-ке сілтеме жасап.

Қазан айының басында Трамп сәуір айындағы тексеруден алты ай өткен соң Таяу Шығысқа аттанар алдында қосымша тексеруден өтті. 

Трамптың МРТ-дан алдын алу шарасы ретінде өткені немесе оны сканерлеуден өтуге итермелеген нақты мәселелер болу-болмауы белгісіз.

- Иә, мен МРТ жасадым, бәрі жақсы болды, иә. Мен сізге толық қорытындыны ұсындым. Біз МРТ жасадық, бәрі жақсы болды, - деп хабарлады Дональд Трамп. 

АҚШ президенті мәлімдегендей, дәрігерлері оның жасына қатысты ең жақсы нәтижеле көрсетілгенін айтты. 

Президент дәрігері, капитан Шон Барбарелла Трампты тексергеннен кейін қызметтік жазбасында президенттің физикалық жағдайы өте жақсы екенін және оның биологиялық жасы «хронологиялық жасынан шамамен 14 жасқа кіші» екенін хабарлады. 

Барбарелла президент «заманауи визуалдау, зертханалық тексеру және профилактикалық медициналық тексерулерден» өткенін хабарлап, «сапар аясында жүргізілген кешенді зертханалық тексерулер тұрақты метаболикалық, гематологиялық және жүрек параметрлерін қоса алғанда, ерекше нәтижелер көрсеткенін» қосты.