«Илон Маск Ақ үйде соққыға жығылған» – БАҚ

Америкалық миллиардер Илон Маскты АҚШ-тың қаржы министрі Скотт Бессент ұрып, көзін көгерткен.

stan.kz сайтының жазуынша, екеуінің арасындағы жанжал Ақ үйде болған.

Ақ үйде болған жанжал туралы Дональд Трамптың экс-кеңесшілерінің бірі The Washington Post  басылымына айтып берген. 

Сәуірдің ортасында Маск пен Бессент президент кабинетіне кіріп, шенділердің бірін тағайындауға қатысты пікірін айтуға тиіс болыпты. Бірақ Трамп Бессенттің айтқанын орындаған. 

Экс-кеңесшінің сөзінше, Бессент пен Маск кабинеттен шығып, дәлізбен кетіп бара жатқанда бір-бірін балағаттай бастаған. Сондай-ақ қаржы министрі миллиардерді "алаяқ" деп атаған көрінеді. 

"Кейін Маск "регби ойнындағыдай" иығымен Бессентің кеуде тұсынан ұрған. Ал Бессент жауап қайтарып, Маскқа жұдырық ала жүгірді. Бірнеше адам араласып, оларды ажыртып алған", – делінген хабарламада. 

Дәл осы сәттен бастап Маск пен Трамптың қарым-қатынасы ушыға бастаған.