Хуситтер Баб әл-Мандаб бұғазын бақылауға алды
Йемендегі хуситтер Қызыл теңіздегі стратегиялық Баб әл-Мандаб бұғазын толық бақылауға алды. Сауд Арабиясы қолдайтын үкімет күштері Аденді қорғау үшін шегінді.
Йемендегі хуситтер 15 қарашада Қызыл теңіздің оңтүстігіндегі стратегиялық Баб әл-Мандаб бұғазын бақылауға алды. Бұл туралы BBC, Al Jazeera және France 24 хабарлады. Сауд Арабиясы қолдайтын үкімет күштері әскерлерін бұғаз маңынан алып, уақытша астана Аденді қорғауға жіберді, деп жазады Sadaq.kz.
Әскерилер Дхубаб әуежайы мен Баб әл-Мандаб ауданынан шегінгенін мәлімдеді. Шешім "майдан шептерін күшейту және қауіптерге тойтарыс беру" мақсатында қабылданғаны айтылды. Хуситтердің бақылауындағы БАҚ бұл аумақтың қолға өткенін растады.
Бұғаз қыркүйек айында хуситтердің шабуылынан кейін қолға түскен, бірақ қазан айының басында үкімет күштері оны қайтарған еді. Енді хуситтер аумақты қайта бақылауға алды. Баб әл-Мандаб – мұнай экспорты мен халықаралық жүк тасымалы үшін маңызды. Иран мен АҚШ-Израиль соғысынан кейін Ормуз бұғазы жабылғандықтан, Сауд Арабиясы мұнайды Қызыл теңіз арқылы тасымалдауға мәжбүр болған.
Аденге қарай шабуыл
Хуситтер Аденге шабуылын жалғастырып, қалаға 60 шақырым қалғанда тоқтады. Үкімет күштері уақытша астананы қорғауға күш салуда. Ұрыс салдарынан 330 мыңға жуық адам босып кетті, жүздеген адам қаза тапты. Алдағы күндері Аден үшін шайқас күшеюі мүмкін.