«Қол-аяғын байлап, қамап ұстаған»: Атырау облысында 90 жастағы қария туған ұлынан қорлық көргенін айтты
Қызылқоға ауданы Сағыз ауылында 90 жастағы қартқа өз баласы ұзақ уақыт бойы зорлық-зомбылық көрсетіп келген, деп хабарлайды sadaq.kz.
Алдын ала мәлімет бойынша, туған ұлы қарт әкесін үйдің бір бөлмесіне қамап, оның еркін шығуына шектеу қойған.
Сондай-ақ ол әкесіне тамақ пен су бермей, қол-аяғын байлап тастаған. Қарт адам мүмкіндік туған сәтте үйден қашып кеткен. Кейін ол жақын туысының үйіне барып, болған жайтты баяндаған.
Атырау облыстық полиция департаметі ұрып-соғу бабы бойынша қылмыстық іс қозғады.
«Қазіргі уақытта оқиғаның барлық мән-жайын жан-жақты, толық және объективті анықтауға бағытталған қажетті тергеу әрекеттері жүргізілуде. Өзге ақпарат тергеу мүддесіне сәйкес жариялауға жатпайды», - деп мәлімдеді департаменттің баспасөз қызметі
Сіздің реакцияңыз қандай?
Ұнады
0
Ұнамады
0
Керемет
0
Күлкілі
0
Сұмдық
0
Қайғылы
0
Жарайсың
0
