«Көнесің...»: Әнші Ердос Қанаев жантебірентерлік жазба жариялады

«Жігіттер» тобының әншісі Ердос Қанаев марқұм әкесі мен дүниеден өткен баласына деген сағынышын жүрекжарды жазба арқылы жеткізді, деп хабарлайды sadaq.kz.

Өнер иесі бұл жолы Instagram парақшасында ауыр әрі толғанысты жазбасын бөлісті.

"Сағыныш деген – адамды алысқа жетелейтін, бірақ қайта алып келмейтін сезім екен. Әкем де, балам да мен үшін енді естелік болып қалды. Екі сыйлы жаным мына өмірдің парағын жауып, ақыретке бет түзеді. Қазақта «Аталсаң атал, боталатпа» деген сөз бар. Оның мәнін енді ұққандаймын – адам мәңгі емес, тек ұрпағыңның өсіп-жетілуін көру – ең үлкен бақыт екен. Тағдырдың жазуына разымын. Алланың ісі — бәрі көркем”, – деп жазды ол.

Әнші жүрегіне жұбаныш беретін жайттарды да атап өтті.

"Ұлым Ибраһим (а.с) пайғамбар мен Сара анамыздың жанында. Ертең ақыретте Алла сол баланы ата-анасына шапағатшы етеді дейді. Әкем намазын, оразасын толық орындап өтті. Жәннатта қауышамыз деген үміт маған күш береді", – деп түйіндеді Ердос Қанаев.