Нұрғиса Тілендиевтің жары Дариға Тілендиева өмірден озды

Белгілі күйші, сазгер, Халық қаһарманы Нұрғиса Тілендиевтің жары Дариға Тілендиева өмірден өтті.

Қазақстанның еңбек сіңірген актрисасы өмірден өтті деген суық хабар Құрманғазы атындағы Қазақ ұлттық халық аспаптар оркестрінің ресми парақшасында хабарланды.

«Дариға Тілендиева ұлттық мәдениетіміздің дамуына сүбелі үлес қосқан көрнекті өнер иесі. Ол Халық қаһарманы, күйші-композитор Нұрғиса Тілендиевтің өмірлік жары ғана емес, сазгердің шығармашылық мұрасын сақтап, кейінгі ұрпаққа жеткізген тұлға болды. Дариға Тілендиева «Қазақфильм» киностудиясында түсірілген «Алты жасар Алпамыс», «Құлагер», «Ақ машина», «Жамбылдың жастық шағы», «Қоштасқым келмейді» сынды көркем фильмдері арқылы, ұлттық кино өнерінде өшпес із қалдырды. Дариға Тілендиеваның өнері мен рухани мұрасы қазақ халқының жүрегінде мәңгі сақталады», - делінген оркестрдің естірту жазбасында.