«Өзіміз салатын сияқтымыз»: Вице-министр Ресей салады деген ЖЭО туралы

Қазақстан мен Ресей үш жылу электр орталығын салу жөнінде үкіметаралық келісім жасаған еді. Жобаға ресейлік «Интер РАО» компаниясы қаржы тартып, Көкшетау, Семей және Өскемендегі ЖЭО-ларды салуы тиіс болатын, деп хабарлайды sadaq.kz.

Алайда қазіргі таңда ресейлік компания қаржы көзін таба алмай отыр. Соның салдарынан Көкшетаудағы жылу электр орталығын салу міндеті «Самұрық-Энергоға» жүктелді.

«Өскемен мен Семейдегі ЖЭО-ны да өзіміз салатын сияқтымыз», – деді энергетика вице-министрі Сұңғат Есімханов.