Белгілі актер Шәріп Серік бұрынғы әйелін соққыға жықты деген күдікке ілінді

Актер Шәріп Серіктің бұрынғы сүйіктісі тұрмыстық зорлық-зомбылық құрбаны болғанын айтып, актердің лифтте шабуылдаған видеосын жариялады, деп хабарлайды Sadaq.kz.

Жақында Шәріп Серік Say Mo-дан кейін қосылған жары Әлия Бутеевамен де ажырасып кеткенін айтқан еді. Содан кейін Әлия Бутеева оған актер қол көтергенін мойындап, желіде ағынан ақтарылды.

“Тіпті ең қорқынышты түсімде ешқашан “сүйікті адамым маған қол көтерді” деп айтатын қыз боламын деп ойламадым. Бірақ солай болды. Мен кесіп өтуге болмайтын шекара болуы керек деп есептеймін. Сондықтан бұл фотолар мен видеоларды жарияламасам, өзімді сатып жібергендей боламын. Профессор болмай тұрып, мен лайықты тәрбие мен білім алсын деп еден жуған әкеме опасыздық жасаймын. Ағам екеумізді қамтамасыз ету үшін тырысып, нағыз отбасы болып өмір сүрейік деп тамаша еңбек жолын қалдырған анама опасыздық жасаймын. Мен физикалық тұрғыдан әлсіз болсам да, мен үшін қолайсыз нәрсе туралы үнсіз қала алатындай моральдық тұрғыдан әлсіз емеспін. Мен өзімді және намысымды қорғауға мәжбүрмін”, – деді ол.

Сөзінше, ол мұны жариялау арқылы қызға қол көтеру қалыпты нәрсе емес екенін түсіндіргісі келеді. Жазбасына қарасақ, Бутеева арыз жазбаған.

“Шыдап отырмай, ереу арыз жазуым керек еді. Бірақ мен қатты абдырап қалғаным сонша, мен не болып жатқанына сене алмадым. Мен кек алуды немесе жауласуды қаламаймын, бірақ мен басқаша әрекет ете алмаймын. Өзіңіз қорытынды шығарыңыз. Бұл бізбен аяқталады деп үміттенемін”, – деді Шәріптің экс-сүйіктісі.