«Шымбұлақта» апаттық жағдай: Құтқарушылар 21 адамды аспалы жолдан аман-есен түсірді
Апат теңіз деңгейінен 3200 метр биіктікте болды
Теңіз деңгейінен 3200 метр биіктікте орналасқан «Шымбұлақ» тау-шаңғы курортындағы «Комби-2» аспалы жолы істен шықты, деп хабарлайды Azattyq Rýhy.
Құтқару операциясы
Алматы қаласы ТЖД құтқарушылары, ТЖМ РЖҚЖ және курорт қызметкерлері дереу әрекет етіп:
кабинада қалған 21 адамды альпинистік құрал-жабдықпен түсірді;
Талғар асуында болған шамамен 100 қонақты қауіпсіз жерге эвакуациялады.
Курорт әкімшілігі эвакуацияланған адамдарға ыстық сусын ұсынып, арнайы жылыту орындарын ұйымдастырды.
Зардап шеккендер жоқ
Оқиға салдарынан зардап шеккендер жоқ. Аспалы жол уақытша жұмыс істемей тұр, қазір қалпына келтіру жұмыстары жүргізілуде.
Дайындықтың пайдасы
Мамандардың айтуынша, бұған дейін ТЖД, РЖҚЖ және «Шымбұлақ» қызметкерлері арқанды жолдағы төтенше жағдайларды үлгілейтін оқу-жаттығулар өткізген. Дәл осы дайындық құтқару операциясын шынайы жағдайда жедел әрі қауіпсіз жүзеге асыруға мүмкіндік берген.
Сіздің реакцияңыз қандай?
