Тағы бір қазақ футболшысына ағылшын клубы қызығушылық танытты

Алматылық “Қайрат” командасының 18 жастағы шабуылшысына “Ковентри” клубы назар аударып отыр, деп хабарлайды "Адырна" ұлттық порталы.

Жас ойыншы Азамат Тұяқбаев УЕФА Жастар лигасында Португалияның “Спортинг” клубына қарсы өткен кездесуде екі гол соғып, дубль авторы атанған.

Осыдан кейін оған Ұлыбританияның “Ковентри” командасы қызығушылық білдірген.

Азамат Тұяқбаев биылғы маусымда Қазақстан чемпионатында да мергендігімен көзге түсті. Жақында өткен “Қайрат” — “Жетісу” ойынында тағы бір гол соғып, командасына жеңіс әкелуге үлес қосты.

Айта кетейік, қазіргі уақытта “Ковентри” клубы Англияның Чемпионшип турнирінде 19 ұпаймен көш бастап тұр.