Қарағанды облысында жол апатынан 7 адам қаза тапты
Жүргізуші рульге ие бола алмай қалған.
Қарағанды облысында көлік апатынан 7 адам оқиға орнында көз жұмды, деп хабарлайды Sadaqmedia.kz.
Қайғылы оқиға бүгін сағат 10.00 шамасында «Алматы-Екатеринбург» тас жолында Құрма ауылының (2 шақырым жетпей) маңында болған.
«Алдын ала болжам бойынша Toyota Alphard жүргізушісі көлік тізгініне ие болмай аударылған. Көлік апаты салдарынан оқиға орнында жүргізуші және 6 жолаушы көз жұмды. Сондай-ақ 12 жастағы жолаушы ауруханаға жеткізілді», - деп жазылған Қарағанды облысы ПД таратқан хабарламада.
Бұл дерек бойынша қылмыстық іс қозғалды. Полиция жүргізушілерден жол жүру ережесін қатаң сақтап, жылдамдықты шектен тыс асырмауды сұрайды.
Сіздің реакцияңыз қандай?
Ұнады
0
Ұнамады
0
Керемет
0
Күлкілі
0
Сұмдық
0
Қайғылы
0
Жарайсың
0
