«4 жасар бала жанып кеткен»: Балқаш маңында автобус өртенгені туралы хабар тарады (ВИДЕО)
Желіде Балқаш маңында жолаушылар автобусы өртенгені туралы ақпар тарады, деп хабарлайды Sadaq.kz сайты.
Куәгерлердің айтуынша, оқиға 18 маусым күні, Балқаш қаласынан 60 км жерде болған.
"Балқаштың аумағында болып отыр. 4 жасар бала ішінде қалып кетіп, қайтыс болған. 5 адам әртүрлі дәрежедегі күйікпен дәрігердің көмегіне жүгінді. Қазір Қарағандыда барлық автобусты айыппұл тұрағына қойып тексеріс жүргізіп жатыр. Автобустың қаңқасы жолда қалды", - дейді куәгер.
Бейресми деректерге сүйенсек, автобус ішінде 32 жолаушы болған. Апасы немерелерін Шымкент қаласына апара жатқан. Тағы бір жолаушының сөзінше, автобус жүріп келе жатқанда-ақ өрт басталған.
Аталған жайтқа қатысты құзырлы органдар ресми жауап берген жоқ. Sadaq.kz редакциясы мәселені өз бақылауында ұстайды.
