Шетелдіктер Шымкенттен Түркияға 227 млн теңгенің алтынын заңсыз алып өтпек болған
Алтынды кедендік бақылаудан жасыру үшін оның бөлшектерін шабадандардың ішкі астарына және жүк қаптамаларына жасырған
Шымкенттен Түркияға 227 млн теңгенің алтынын заңсыз алып өтпек болған, деп хабарлады Бас прокуратура.
"Сот үкімі шыққанға дейін құны 227,8 млн теңгені құрайтын 2,8 келіге жуық алтын мемлекет пайдасына тәркіленді. Бұл шешім Бас көлік прокуратурасының өтінішхаттары негізінде қабылданды", - деп жазылған хабарламада.
Өзбекстан азаматтары бағалы металды Шымкент әуежайы арқылы Түркияға заңсыз алып кетпек болған. Алтынды кедендік бақылаудан жасыру үшін оның бөлшектерін шабадандардың ішкі астарына және жүк қаптамаларына жасырған.
Күдіктілерге халықаралық іздеу жарияланды. Сотқа дейінгі тергеп-тексеру амалдары жалғасып жатыр.
Сіздің реакцияңыз қандай?
👍
Ұнады
0
👎
Ұнамады
0
😍
Керемет
0
😂
Күлкілі
0
😡
Сұмдық
0
😢
Қайғылы
0
😮
Жарайсың
0
