«Алтын қыздар»: Қазақстан каратэшілері қос алтын әкеліп, үздік үштікке енді (ВИДЕО)
Түркия төрінде каратэден ең беделді Премьер-лига турнирі аяқталды. Бұл жарысқа әлемдік рейтингтегі ең мықты ТОП-32 спортшы ғана қатысты. Қазақстан намысын 13 батырымыз қорғап, соның ішінде екі аруымыз алтынмен апталып қайтты.
Турнирдің шымылдығын -55 кг салмақтағы Бэлла Самашева ашты. Ол финалда словакиялық Нина Квасниковамен кездесіп, тактикалық шеберлігінің арқасында 2:1 есебімен жеңіске жетті.
Көп күттірмей Олимпиада жұлдызымыз Софья Берульцева (+68 кг) Непал өкілі Арика Гурунгты ұтып, екінші алтынды қоржынға салды.
Осы екі алтынның арқасында Қазақстан құрамасы жалпыкомандалық есепте 3-орынға табан тіреді. Біз каратэнің отаны саналатын Жапонияны артқа тастап, тек Мысыр мен Түркияға ғана жол бердік.
Жалпыкомандалық есеп:
|
Мысыр |
2 алтын |
3 күміс |
1 қола |
|
Түркия |
2 алтын |
2 күміс |
|
|
Қазақстан |
2 алтын |
|
|
|
Жапония |
1 алтын |
2 күміс |
6 қола |
Бұл туралы Kazsports.kz порталына сілтеме жасай отырып Sadaq.kz ақпарат агенттігі хабарлайды.
Сіздің реакцияңыз қандай?
Ұнады
0
Ұнамады
0
Керемет
0
Күлкілі
0
Сұмдық
0
Қайғылы
0
Жарайсың
0
