Армения премьер-министрі Никол Пашинян Астанаға келді

Армения премьер-министрі Никол Пашинян Астанаға келді, деп хабарлады үкіметтің баспасөз қызметі.

Армения Республикасының премьер-министрі Никол Пашинян ресми сапармен Астана қаласына келді. Оны әуежайда Қазақстанның үкімет басшысы Олжас Бектенов қарсы алды.

"Бағдарлама аясында 21 қараша күні екіжақты ынтымақтастықтың өзекті мәселелері бойынша бірқатар кездесу жоспарланған", - деп жазылған хабарламада.

Сапар бағдарламасы Никол Пашинян мен Қазақстан президенті Қасым-Жомарт Тоқаевтың келіссөздерін қамтиды.

Бағдарламада сондай-ақ Қазақстан премьер-министрі Олжас Бектеновпен және парламент төрағасы Ерлан Қошановпен кездесулер, Alem.ai халықаралық жасанды интеллект орталығына және Қазақстан Ұлттық мұражайына бару қарастырылған.