«Артында жеті баласы қалды»: Маңғыстау облысында ер адам әйелін пышақтап өлтірді деген күдікке ілінді
Маңғыстау облысы Қызылсай ауылында 43 жастағы ер адам өз әйелін пышақтап өлтірді деген күдікке ілінді, деп хабарлайды Sadaq.kz.
Қайғылы оқиға 29 қаңтар күні кешкі уақытта болған. Мәлімет бойынша, жанжал отбасылық-тұрмыстық негізде туындап, соңы өліммен аяқталды. Желідегі ақпаратқа сәйкес, ерлі-зайыптының 7 баласы бар.
«29 қаңтарда Жаңаөзен қаласында пышақ жарақаты салдарынан 44 жастағы әйел көз жұмды. Марқұмның жұбайы күдікті ретінде ұсталып, уақытша ұстау изоляторына қамалды. Аталған дерек бойынша полиция Қылмыстық кодекстің 99-бабының 2-бөлігімен (Адам өлтіру) қылмыстық іс қозғады. Оқиғаның мән-жайын жан-жақты, толық және объективті анықтауға бағытталған тергеу әрекеттері жүріп жатыр», – делінген хабарламада.
Сіздің реакцияңыз қандай?
Ұнады
0
Ұнамады
0
Керемет
0
Күлкілі
0
Сұмдық
0
Қайғылы
0
Жарайсың
0
