Ақтаулықтар ұшақ апатынан зардап шеккендерге көмектесу үшін қан тапсырып жатыр

Ақтау маңындағы қайғылы ұшақ апатынан кейін зардап шеккендерге қан тапсыруға көптеген адамдар келуде, деп хабарлайды turkystan.kz.

- Бұл оқиғаны әкемнен естідім. Әрбір азамат қолдан келгенше көмектесуі керек. Төтенше жағдайда жұмыс жасап жатқан барша дәрігерлерге алғыс білдіремін, – дейді қан тапсыруға келген қыздардың бірі.

Донор болу - жауапты іс. Зардап шеккен азаматтарға өмір сыйлауға құштар жандардың қарасы көп.

Өңіріміздің барлық жанашыр тұрғындарын қазір қан орталығына келіп, қан тапсыруларын сұраймыз! Деніңіз сау болса, бүгін майлы тамақ жемеген болсаңыз және ең бастысы мұқтаж жандарға көмектескіңіз келсе, біз сізді бүгін 25 желтоқсан сағат 16:00-ге дейін күтеміз! – деді Маңғыстау облыстық қан орталығы.

Ал, әзербайжандық белгілі блогер, журналист Хамит Хамитов Ақтау маңындағы ұшақ апатынан аман қалғандарға қан тапсырып, көмектесіп жатқан қазақстандықтарға алғыс айтты.

«Ақтау қаласының ағайынды қазақ халқына ұшақ апатынан аман қалғандарға қан тапсыру үшін кезекте тұр. Рахмет!», – деп жазды ол Facebook желісіндегі парақшасында.

Еске сала кетейік, бұған дейін Embraer 190 ұшағы Әзірбайжанның AZAL әуе компаниясына тиесілі ұшақ Ақтау маңында құлағанын жаздық. Ол Бакуден Грозныйға ұшып бара жатқан. Құлау алдында ол Каспий теңізінің үстінен Төтенше жағдайлар департаментіне сигналын берген. Қазір зардап шеккендер туралы ақпарат нақтыланып жатыр. Тірі қалғандар бар екені хабарланды. Ұшақ ішінде 69 адам болған. Аман қалғандар саны – 32.