«Бокс қазір бизнеске айналды»: Жәнібек Әлімханұлы чемпиондарға үндеу жасады
Боксшыларға белбеу емес, ақша керек.
WBO/IBF нұсқалары бойынша орта салмақтағы әлем чемпионы Жәнібек Әлімханұлы кәсіби бокстың қазіргі жағдайына және басқа чемпиондардың белбеулерді біріктіру үшін онымен жекпе-жекке шығуға құлықсыздығына көңілі толмайтынын білдірді. Бұл туралы Stan.kz ақпарат агенттігі хабарлайды.
"Әрқашан чемпиондармен жұдырықтасуға дайын болдым. Қазір де дайынмын. Чемпиондар, сендер қайдасыңдар? Кейбір чемпиондар – қорқақ! Мұны бәріміз білеміз! Екінші орта салмаққа көтеріліп, чемпионмен бірден жекпе-жек өткізуге дайынмын. Бірақ ол менімен төбелеспейді. Менімен айқасуға дайын чемпиондар бар ма? Өкінішке қарай, бокс қазір бизнеске айналды. Боксшыларға белбеу емес, ақша керек. Бұл бокста болып жатқаны өте өкінішті", – деп жазды Әлімханұлы Х әлеуметтік желісіндегі парақшасында.
Сіздің реакцияңыз қандай?
