Боксшы Оразбек Асылқұлов Азия чемпионы атанды
Моңғолияның Ұлан-Батыр қаласында өтіп жатқан Азия чемпионатында ерлер арасында финалдық жекпе-жектер басталды, деп хабарлайды Sadaq.kz.
Ұлттық құрама сапынан алғаш болып Оразбек Асылқұлов шықты. Отандасымыз 60 келіге дейінгі салмақтың ақтық сынында үндістандық Сачин Сачинмен кездесті.
Бірінші раундта үндістандық боксшы басымдық танытып, 5:0 есебімен өз пайдасына аяқтады. Екінші үшминуттықта Оразбек Асылқұлов жүйелі жұмыс істеп, 3:2 есебімен жеңді.
Ал шешуші раундта Оразбек Асылқұлов шабуылда белсенді болып, нәтижелі соққылар жасай білді. Нәтижесінде төрешілер 3:2 есебімен жеңісті отандасымызға берді.
Осылайша Оразбек Асылқұлов ұлттық құрама қоржынына алтын медальді салды.
Сіздің реакцияңыз қандай?
👍
Ұнады
0
👎
Ұнамады
0
😍
Керемет
0
😂
Күлкілі
0
😡
Сұмдық
0
😢
Қайғылы
0
😮
Жарайсың
0
