Ерлерге қарағанда әйелдер көп: Астана туралы 10 қызықты дерек
лттық статистика бюросы қызықты мәліметтер жариялады
Астана – Қазақстанның жүрегі, елдің болашағы бейнеленген қала. Ұлттық статистика бюросы елорда күніне орай заманауи мегаполис туралы қызықты әрі таңқалдырар деректерді жариялады, деп хабарлайды Azattyq Rýhy.
1. Халық саны – 1,57 миллионға жуық
2025 жылдың 1 маусымындағы дерекке сүйенсек, Астанада 1 566 566 адам тұрады. Бұл – Қазақстандағы халық саны бойынша ең ірі қалалардың бірі.
2. Әйелдер ерлерден көп
Астанада 823 766 әйел және 742 800 ер адам бар. Демек, қала тұрғындарының 52,6%-ын әйелдер құрайды.
3. 2025 жылдың алғашқы үш айында 6 000-нан астам сәби дүниеге келген
2025 жылдың I тоқсанында Астанада 6 025 жаңа туған нәресте тіркелді.
4. 1900-ден астам неке тіркелді
Осы кезеңде 1 914 жұп ресми түрде некеге тұрған.
5. Орташа өмір сүру ұзақтығы – 78,5 жыл
Астана тұрғындарының өмір сүру ұзақтығы – 78,52 жас.
6. Жоғары оқу орындарының саны – 14
Астанада 14 ЖОО бар, олардың арасында халықаралық деңгейдегі университеттер де бар.
7. Театрлар саны – 10
Қала тұрғындары мен қонақтары 10 театрдың қойылымын тамашалай алады.
8. Мұражайлар саны – 7
Астанада 7 мұражай бар. Олардың қатарында Ұлттық музей, Тұңғыш Президент музейі, қазіргі заман өнері орталығы секілді мекемелер бар.
9. Шағын және орта бизнес қарқынды дамып келеді
2025 жылғы 1 маусымдағы жағдай бойынша Астанада 295 179 шағын және орта кәсіпкерлік субъектісі тіркелген.
10. Қазақстанда «Астана» есімді 24 адам бар
Елорданың құрметіне 24 азаматқа «Астана» есімі берілген.
Сіздің реакцияңыз қандай?
