«Құрамынан заңсыз бояғыштар табылды»: Танымал шай брендтеріне тыйым салынды
Қазақстанның Бас мемлекеттік санитариялық дәрігерінің жаңа қаулысымен (№ 1-ПГСВ, 05.01.2026) елімізге бірнеше қара шай түрін әкелуге және сатуға уақытша тыйым салынды, деп хабарлайды Қазақстан Республикасының Денсаулық сақтау министрлігінің Санитариялық-эпидемиологиялық бақылау комитеті.
Сараптама барысында бұл өнімдерден шай өндірісінде қолдануға мүлдем болмайтын қауіпті тағамдық бояғыштар — E110, E102 және E124 анықталған.
Сонымен қатар өндірушілер қаптамада жалған мекенжайлар көрсетіп, тиісті рұқсат құжаттарынсыз жұмыс істеген. Тыйым салынған өнімдер тізімі:
«Апамның шәйі Premium gold», «Al-Hayat» Gold, «БАЛҚИЯ Premium gold» («Orda Trade Astana»); «Sultan Suleyman», «Pakistan tea» («Real Trade Astana»); «Al-Jannat Premium» («Ferdaus»); «Aje Onim» («Орда Чай»); «Alfarah» (өндірушісі белгісіз).
