Нығматулиннің ұлының үстінен қылмыстық іс қозғалды

Полиция Мәжілістің экс-төрағасы Нұрлан Нығматулиннің үлкен ұлы Нұржан Нұрлановқа қатысты "рейдерлік" бабы бойынша қылмыстық іс қозғады, деп хабарлайды Dalanews.kz.

Тергеуге бизнесмен Қанат Әміркиннің арыз-шағымы негіз болған. Ол бұған дейін Нұрлановты "Алатаудорстрой" компаниясын рейдерлік жолмен басып алды және ақша бопсалады деп айыптаған еді.

Бұл кейінгі уақытта Нығматулиндер әулетіне байланысты туындаған алғашқы дау емес.

Биыл наурыз айының басында Бас прокуратура Нұрлан Нығматулиннің туған ағасы Арғын Нығматулинді халықаралық іздеуге жариялаған. Сонымен қатар оның інісі Ерлан Нығматулинге қатысты «бопсалау» фактісі бойынша қылмыстық іс қозғалып, тергеу жүріп жатыр.

Нұрлан Нығматулин 2022 жылы 1 ақпанда Мәжіліс спикері қызметінен кеткен.