Оңтүстік Корея президентіне импичмент жариялау процесі басталды

Негізгі оппозициялық Демократиялық партия соғыс жағдайын енгізгені және кейіннен оны алып тастағаны үшін президент Юн Сок Ёлmut импичмент жариялау бойынша дауыс беруді өткізуге ниетті екенін мәлімдеді, деп хабарлайды Yonhap ақпарат агенттігі. 

Демократиялық партия мен тағы бес оппозициялық партия әскери жағдай енгізу Конституция мен басқа да заңдарды бұзады деп, импичмент жариялау туралы ұсыныс жасады.

Оппозициялық партия билеуші партияға Юн Сок Ёльдің әрекеті туралы шешімін талқылауға жеткілікті уақыт беру үшін дауыс беруді сенбі күні жергілікті уақыт бойынша кешкі сағат 19:00-де өткізуді жоспарлап отыр, деп жазды агенттік. 

Бұған дейін Оңтүстік Кореяда төтенше жағдай режимі енгізілген болатын. Алайда парламент оны жоюға дауыс берді. Кореядағы қазақстандықтар бұқаралық шараларға қатысудан бас тартуға шақырылды.