Прокурор блогер Жанәбіловтерге қандай жаза қолданылатынын айтты

Прокурор блогерлер Ерболат Жанәбілов пен Эльмира Төлегеноваға қандай жаза қолданылуы мүмкін екенін айтты, деп хабарлайды Sadaq.kz.

Прокурордың аға көмекшісі Олжас Хайруллаевтың айтуынша, блогерлерге қомақты айыппұл салынуы мүмкін. 

“218-баптың 2-бөлігінің санкциясында бас бостандығынан айыру жазасы көзделген. Теориялық тұрғыдан алғанда айыппұл тағайындау да мүмкін. Бірақ оның көлемі өте үлкен болады 7 мың айлық есептік көрсеткіш мөлшеріне дейін. Бұл шамамен 1 миллиард теңге көлеміндегі айыппұлға тең. Теориялық тұрғыдан айыппұл тағайындау мүмкін. Бірақ бұл соттың шешімі”, – деді Хайруллаев.

Прокуратура өкілінен айыптаушы тарап бас бостандығынан айыру жазасын талап ете ме деген сұрақ қойылды.

“Әзірге білмейміз. Іс материалдарының барлығы зерттеліп болған соң және жарыссөз кезеңінде біздің ұстанымымызды естисіздер", – деді ол.