Ресей атысты тоқтатудан бас тартты

Кремль АҚШ-тың Украинамен 30 күндік бітімгершілігі еш нәтиже бермейтінін айтты, деп хабарлайды El.kz ақпарат агенттігі.

Ресей билігі бұл мерзім Украина Қарулы күштеріне аздап тынығып алуға ғана мүмкіндік береді, дегенмен ұзақ мерзімді бейбітшілікке әкелмейді деп санайды. Бұл туралы 13 наурызда Ресей Федерациясы президентінің көмекшісі Юрий Ушаков мәлімдеді.

Біз америкалық тарапқа бұл украин әскері үшін уақытша демалыстан басқа ештеңе емес екенін анық айттық. Біздің мақсатымыз – Ресейдің заңды мүдделерін ескеретін ұзақ мерзімді бейбіт келісімге қол жеткізу, - деді Ушаков.

Естеріңізге сала кетейік, Трамп Кремльге атысты 30 күнге тоқтатуды ұсынды. Сол үшін АҚШ-тың Таяу Шығыстағы арнайы өкілі Стив Уиткофф Путинмен келіссөздер жасау үшін Мәскеуге барғанын жазғанбыз.