«Барымды салдым!»: Шавкат Рахмонов кезекті жеңісіне қол жеткізді

Қазақстандық жауынгер Шавкат Рахмонов UFC 310 турнирінде ирландиялық Иэн Гэрриді жеңді, - деп хабарлайды sadaq.kz.

АҚШ-тың Лас-Вегас қаласында өткен UFC 310 турнирінде қазақстандық жауынгер Шавкат Рахмонов ирландиялық файтер Иэн Мачадо Гэрримен кездесті. Бес раундқа жоспарланған бұл жекпе-жекте Шавкат Рахмонов төрешілердің бірыңғай шешімімен жеңіске жетті.

«Иэн Гарри өте мықты қарсылас. Биыл ауыр жағдайлар болды. Сонда да формада болдым, барымды салдым. Жеңдім», - деді Шавкат. 

Айта кетейік, Шавкат Рахмонов бастапқыда UFC 310 турнирінде жартылай орта салмақтағы UFC чемпионы Белал Мухаммадпен титулдық жекпе-жекке шығуы керек еді. Бірақ Белал Мухаммад инфекция жұқтырып алып, кездесу өтпейтін болды. Қазақстандық файтер Шавкат Рахмонов соңғы жекпе-жегін 2023 жылы желтоқсанда өткізіп, америкалық спортшы Стивен Томпсонды екінші раундта ұтқан болатын. Шавкат MMA-да 18 рет, UFC-де 6 рет жеңіске жеткен.