Тәуелсіздік күніне дейін арықтамаса, түрікмен әншілері сахнаға шықпайды

Түрікменстан әншілеріне артық салмақтан арылуға бұйрық берілді, деп хабарлайды MADENIPORTAL.KZ.

Бұйрықты орындамаған әншілер сахнадан шеттетіледі.

Өнер адамдарына 27 қыркүйек күні болатын Тәуелсіздік күніне дейін артық салмақтан арылуға бұйрық берілді.

«Азаттық Азия» мәліметіне зер салсақ, арықтап үлгермеген әртістер сахнадан шеттетіледі. Еңбек сіңірген және халық әртісі атағына бар өнер иелеріне де ешқандай жеңілдік жасалмаған. Оларға да артық салмақтан арылу бұйырылған, әйтпесе сахнаға да, теледидарға да шыға алмайды.