Астанада 13 жастағы қызды аңдыған еркектің әрекеті видеоға түсіп қалды

Астанада 22 маусым күні кәмелетке толмаған қыз баланы аңду фактісі тіркелді. Кешкі сағат 17:30 шамасында шамамен 30 жастағы белгісіз ер адам №61 бағытындағы автобуста 13 жастағы қызды аңдып, одан кейін Сығанақ көшесіндегі аялдамадан бірге түскен, деп хабарлайды Skifnews.kz ақпарат порталы.

Куәгерлердің мәліметінше, ер адам жасөспірімге жақындап, оны сұлу деп атап, танысуға әрекет жасаған. Содан соң ол қыздың артынан еріп, Құлтегін көшесіндегі үйіне дейін барған.

Бұл әрекет шамамен жарты сағатқа созылған. Оқиғадан кейін бірден 102 жедел басқару орталығына қоңырау шалынған. Қазіргі уақытта полиция оқиға орнына жақын маңда орналасқан бейнебақылау камераларын зерделеп, күдіктінің жеке басын анықтауға күш салып жатыр.

Алайда әзірге оның нақты кім екені белгісіз. Қыздың артынан ерген ер адамның әрекеттері бейнежазбаға түсіп қалған. Видеоматериал құқық қорғау органдарына табысталды. Полиция бұл дерекке қатысты ресми тергеу жүргізіп жатыр.