Астанада бағдаршамдардың жұмыс режимі өзгертіледі

Полиция департаменті Астанада жеті көше қиылысында бағдаршамдардың жұмыс режимі өзгертілгенін хабарлады. 

Полиция мәліметінше, жөзгеріске сәйкес енді барлық бағыт үшін бағдаршамның қызыл түсі 4 секундқа бір мезетте жанады. Бұл маневрді қауіпсіз аяқтап, қиылыстан толық шығуға мүмкіндік береді.

Жүргізілген талдауға сәйкес, бағдаршамдарың жұмыс режимін түзеткеннен кейін жол-көлік оқиғалары азайған.

Өзгеріс енгізілген светофорлар тізімі:

• Керей, Жәнібек хандар – Әл-Фараби;
• Рысқұлов – Мәңгілік ел;
• Сұлтан Бейбарыс (№106 мектеп маңы);
• Құсмұрын – Қайнар (№68 мектеп маңы);
• Қараменде би Шақаұлы – Земляничная;
• Тәуелсіздік – Қошқарбаев;
• Тәуелсіздік – Байтұрсынов.