Қорғаныс министрлігін кешенді тексеретін комиссия құрылды: құрамында кім бар?

Қорғаныс министрлігін кешенді тексеретін комиссия құрылды, деп хабарлайды Sadaq.kz.

Президент тиісті өкімге қол қойды. Комиссия әскери құрылымдарды қаржылық және материалдық-техникалық қамтамасыз ету саласындағы жағдайға кешенді тексеру жүргізеді.

Қауіпсіздік кеңесі төрағасының орынбасары Аида Балаева комиссия төрағасы болды. Комиссия жүргізілген жұмыстың алғашқы нәтижесін жеті күн ішінде баяндауы тиіс.

Комиссия құрамына:

• Қауіпсіздік Кеңесі төрағасының орынбасары Аида Балаева – комиссия төрағасы;
• Жоғары аудиторлық палата төрағасы Әлихан Смайылов – комиссия төрағасының орынбасары;
• Президент Әкімшілігі басшысының орынбасары Ержан Жиенбаев;
• Қаржылық мониторинг агенттігінің төрағасы Жанат Элиманов; 
• Қауіпсіздік Кеңесі Аппаратының Басшысы Мұрат Баймұқашев; Қаржы министрі Мәди Тәкиев;
• Бас прокурордың бірінші орынбасары Жандос Өмірәлиев;  
• Ұлттық қауіпсіздік комитеті төрағасының бірінші орынбасары Әли Алтынбаев;
• Ұлттық экономика бірінші вице-министрі Азамат Әмрин кірді.