Өскеменде Ертіс өзеніне секірген ер адамның денесі табылды
Өскемен қаласында Ертіс өзеніне секіріп кеткен ер адамның мәйіті табылды, деп хабарлайды Sadaq.kz.
Бұл туралы Шығыс Қазақстан облыстық Төтенше жағдайлар департаменті хабарлады.
Ведомствоның мәліметінше, 44 жастағы азамат 20 шілде күні Ертіс өзені үстіндегі көпірден суға секірген.
Осыдан кейін құтқарушылар оны іздеуге бірден кіріскен. Іздеу нәтижесінде марқұмның мәйіті оқиға орнынан шамамен 21 шақырым қашықтықта, Ертіс өзенінің Прапорщиково ауылы маңындағы тармағынан табылды.
Құтқарушылар іздестіру жұмыстарын күн сайын жүргізген. Операция барысында ұшқышсыз ұшу аппараттары, жүзу құралдары пайдаланылып, өзен жағалауы мұқият тексерілді.
Сонымен қатар сүңгуірлер су астына 26 рет түсіп, іздеу жұмыстарын жүргізген.
Сіздің реакцияңыз қандай?
Ұнады
0
Ұнамады
0
Керемет
0
Күлкілі
0
Сұмдық
0
Қайғылы
0
Жарайсың
0
