Петропавл тұрғыны TikTok-тағы бір ауыз сөзі үшін 5 жылға сотталды

Солтүстік Қазақстан облысында 40 жастағы әйел әлеуметтік желідегі арандатушы пікірі үшін бес жылға сотталдв. Сот Татьяна Л.-ды Қазақстан Республикасының аумақтық тұтастығын бұзуды насихаттағаны үшін кінәлі деп тапты, деп хабарлайды Sadaq.kz.

Оқиға өткен жылы TikTok желісінде Петропавл қаласының атауы талқыланған видеоның астында басталған. Онда сотталушы қаланың Қазақстанға еш қатысы жоқ екенін айтып, «жақында бәрі өз орнына келеді, сосын біз күлеміз» деген мазмұнда пікір қалдырған. Бұл жазба желіде тез тарап, 5 мыңнан астам лайк пен жүздеген репост жинап үлгерген.

Қоғам белсенділерінің бірі бұл жазбаға бей-жай қарамай, «e-Otinish» сервисі арқылы полицияға арыз түсірген. Іске Ұлттық қауіпсіздік комитетінің экстремизмге қарсы күрес басқармасы араласып, аккаунт иесін бірден анықтады. Тінту кезінде оның ұялы телефоны тәрбиеленіп, жазбаның дәл осы құрылғыдан жазылғаны дәлелденді.

Сот залында әйел өз кінәсін мойындаудан бас тартты. Ол бұл сөздерді «әжесі айтып кеткен тарихи дерек» ретінде түсіндіріп, TikTok алгоритмдері ойын толық жеткізуге мүмкіндік бермеді деп ақталмақ болған. Алайда, арнайы жүргізілген саяси және филологиялық сараптама оның сөздерінде сепаратизмді насихаттау белгілері барын нақты растап берді.

Тергеу барысында белгілі болғандай, желі қолданушылары әйелге Қылмыстық кодекстің баптарын цитата ретінде келтіріп, жауапкершілік туралы ескерткен. Бірақ ол «ешкімнен де, ештеңеден де қорықпайтынын» айтып, арандатуын тоқтатпаған. Соңында сот Татьяна Л.-ны ҚР Қылмыстық кодексінің 180-бабы 2-бөлігі бойынша кінәлі деп танып, орташа қауіпсіздік мекемесіне 5 жылға қамау туралы шешім шығарды.