«Тәрбиешілер бейхабар»: екі жасар бала балабақшада көзінен айырылып қала жаздады

5 наурыз күні Атырау облысының Құрманғазы ауданындағы «Боташым» балабақшасында бала көзінен жарақат алған, деп хабарлайды sadaqmedia.kz ақпарат порталы.

Бала қазір аудандық аурухананың хирургия бөлімінде жатыр. Баланың анасының мәлімдеуінше, тәрбиешілер жағдайдың қалай болғанынан бейхабар көрінеді, ал бейнебақылау камерасының жазбасы жоғалып кеткен. 

«Қылмыстық іс қозғалды, сот-медициналық сараптама тағайындалды. Балабақша қызметкерлері мен оқиға куәгерлері сұралуда», - делінген Атырау облыстық Полиция департаменті таратқан мәліметте.