Тарихи сәт: Александр Бублик әлемнің 10-ракеткасы атанды
Қазақстандық теннисші Александр Бублик Гонконгтағы (ATP 250) турнирдің финалында италиялық Лоренцо Музеттиді жеңіп (7:6, 6:3), мансабында алғаш рет ATP рейтингіндегі үздік ондыққа (Top 10) енді, деп хабарлайды Sadaq.kz. Бұл – Қазақстандағы ерлер теннисі тарихында бұрын-сонды болмаған рекордтық көрсеткіш.
Жеңістен кейін Александр ATP Tour-ға берген сұхбатында эмоциясын жасырмады:
«Осы маусымға қойған жалғыз мақсатым — Топ-10-ға кіру еді. Алғашқы аптада-ақ титул иеленіп, бұл белесті бағындырғаныма әлі де сене алар емеспін. Егер маған өткен жылдың сәуірінде, рейтингте 82-орында тұрған кезімде: "Сен әлемнің оныншы ракеткасы боласың" десе, ешқашан сенбес едім. Бірақ бұл — үлкен мәртебе».
https://www.melbournepark.com.au/news/australian-open-2026-your-ultimate-guide/
Маңызды ақпарат: Жылдың алғашқы «Үлкен Дулыға» турнирі — Australian Open 18 қаңтар күні басталады. Александр Бублик Мельбурн корттарына алғаш рет әлемнің 10-ракеткасы және турнир фавориттерінің бірі ретінде шығады.
