Тайғаққа қарсы жолға тұз себуге тыйым салынады

Қазақстан Республикасының Экологиялық кодексінің 238-бабының 9-тармағына сәйкес, топыраққа, жасыл желекке және қалалық экожүйеге тигізетін теріс әсеріне байланысты елді мекендер аумағында қысқы тайғаққа қарсы күресте ас тұзын қолдануға тыйым салынады, деп хабарлайды sadaq.kz. 

Мамандардың мәліметінше, бүгінде аталған базада көше-жол желісін қысқы күтіп-ұстауға арналған шамамен бес отандық тайғаққа қарсы материал тіркелген. Олардың қатарында құрғақ та, сұйық та реагенттер бар, бұл өңірлердің климаттық және пайдалану жағдайларын ескере отырып, технологияларды икемді таңдауға мүмкіндік береді.

Маңыздысы – тіркелген материалдардың құрамында хлоридтер жоқ. Бұл олардың жол инфрақұрылымына, инженерлік құрылыстарға, абаттандыру элементтеріне және қоршаған ортаға тигізетін әсерін едәуір төмендетеді. Сонымен қатар мұндай реагенттер функционалдық тиімділігін сақтай отырып, көктайғақтың алдын алады және қар-мұз жиналуларын жоюға ықпал етеді.

«Тұздан бас тарту – бұл эксперимент емес, қауіпсіз әрі технологиялық шешімдерге саналы түрде көшу. Бүгінде экологияға зиян келтірмей, қажетті ілінісу деңгейін қамтамасыз етуге мүмкіндік беретін материалдар қолданыста бар», – дейді ҚаздорНИИ сарапшылары.

Сарапшылардың пікірінше, қолданыстағы экологиялық талаптар, жаңартылған техникалық тәсілдер және баламалы материалдардың пайда болуы Қазақстанда қалалық жолдарды қысқы күтіп-ұстауда ас тұзынан кезең-кезеңімен бас тартып, неғұрлым заманауи әрі қауіпсіз шешімдерге көшу үшін қолайлы жағдай қалыптастырып отыр.