Ұлытауда киік қырылып жатыр

Ұлытау облысында киік қырылып жатыр, деп хабарлады sadaq.kz ақпарат порталы.

Ұлытау облысы Қаражал қаласы тұрғындарының қырылған киіктердің өлекселерін жинап жатқаны туралы видео тарады.

"Бұл видеоны кәсіпкер Батыр Сейкенов әлеуметтік желіде таратты. Айтуынша, бұқараға тарағаннан кейін тиісті мекеме қызметкерлері бұл мәселеге көңіл аударып, Қаражал қаласына аттанған", - деп жазады Тиек телеграм арнасы.

Жергілікті әкімдіктің мәліметінше, Жезқазған қаласының маңында 660-тан астам өлексесі табылып, жойылды, ал Қаражал маңында 2342 киіктің өлексесі анықталған.