«Ұрып-соғуы бірінші рет емес»: Алматыда зейнеткер әйелін жаттығу жасауға мәжбүрлеген (ВИДЕО)
Алматыда ер адам әйелін көшедегі жаттығу құрылғысында жаттығуға күштеп мәжбүрлегені түсірілген видео әлеуметтік желіде таралды, деп хабарлайды sadaq.kz.
Telegram-арнасында жарияланған видеода "ер адам әйелді жаттығуға мәжбүрлейді" деп жазылған. Сонымен қатар ол әйелдің бұған дейін инсульт алғаны және жергілікті тұрғындардың бұл көрініске күн сайын куә болатыны айтылған.
Кадрлардан ер адамның әйелді күшпен жаттығу құрылғысына отырғызуға тырысып жатқаны көрінеді. Оған бұл үлкен қиындықпен беріледі, содан кейін әйел жаттығулар жасай бастайды. Видео авторлары бұл әрекетке ашуланған.
Алматы полиция департаменті бұл оқиға бойынша "102" пультіне ешқандай шағым, хабарлама немесе қоңырау түспегенін хабарлады.
"Қазір Әуезов ауданы Полиция басқармасының қызметкерлері тексеру жүргізіп жатыр. Оқиғаға қатысушылар мен мән-жайлар анықталып, Қазақстан Республикасының заңнамасына сәйкес шаралар қабылданады", – деп мәлімдеді полицияда.
Посмотреть эту публикацию в Instagram
Сіздің реакцияңыз қандай?
