Үш ит талаған бала оқиғасы: Бақылау камерасынан видео жарияланды

Шілде 4, 2025 - 16:46
Үш ит талаған бала оқиғасы: Бақылау камерасынан видео жарияланды
Фото: ғаламтордан видеодан скрин

Алматы облысында 10 жасар баланы талап тастаған иттердің иесі бақылау камерасынан алынған видеоны көпшілікке ұсынды, деп хабарлайды Алматыдағы BAQ.KZ тілшісі.

Бұл видео Instagram желісіндегі Inucobo жануарларды қорғау қауымдастығының парақшасында жарияланды. Пост авторының айтуынша, бейнежазбаны иттердің иесі берген. 

Видеода баланы иттердің талаған сәті нақты көрсетілмеген. Кадрда орталық аумағындағы қоршаудың сыртында футбол добымен ойнап жүрген екі бала көрінеді. Иттердің қатты үрген дауысы естіледі, ал видео соңына қарай шамамен зардап шеккен баланың айғайы аяқтайды.

Пост авторының сөзінше, видео түсірілген аумақта, яғни реабилитациялық орталықта — алкоголь мен есірткіге тәуелді адамдар емделеді. Сол жерде кинолог та тұрады және ол өз иттерін вольерлерде ұстайды. Автордың жазуынша, оқиға күні аулада еркін жүрген американ булли тұқымдас иттер болған.

Иесі балалардың ойнап жүріп, бірін-бірі итеріп, біреуі орталық ауласына құлап кеткенін айтады. Қоршау темірден жасалған, баланың жарақат алуы мүмкін. Бірақ әзірге сараптама жүргізілген жоқ, тіпті бола ма, белгісіз. Иттер үшін бұл бөтен адам, жануарлар өз аумағын қорғайды. Дегенмен, иесі сараптама жүргізуді сұрап отыр — мүмкін жаралар профлистен болуы мүмкін, – делінген жазбада.

Авторда басқа да видеолар барын, бірақ оларды жариялауға әлі рұқсат берілмегенін айтқан.

Қазір стадионда бос жүрген иттер туралы жалған ақпарат таралуда. Иттер қаңғыбас болған деген де сөз бар. 40 жылдан аса кинологиямен айналысатын адамды жалғыз кінәлі етіп көрсетпекші. Ал шын мәнінде ол иттерді аула ішінде, өз аумағында ұстаған. Жұрт иттерді жоюды талап етіп отыр. 

Ояныңыздар! Мәселеге басқа қырынан қараңыздар, бұл жеке аумақ, вольерлер бар. Адам ол жерде 25 жылдан астам уақыт бойы реабилитациямен айналысып, 40-тан астам итті баққан. Мұндай қайғылы жағдай алғаш рет болып отыр. Өзі де шокта. Бірден баланы емдетуге көмек ұсынды, бірақ соған қарамастан оның қоршауын сындырып, иттерін өлтірген. Ең қызығы, көшеде пышақпен жүрген бейтаныс адам болды, – деп жазды автор.

Еске салайық, оқиға куәгерлерінің айтуынша, Жалпақсай ауылында иттер жеке аумақтан шығып кетіп, 10 жасар балаға шабуыл жасаған еді. 

Екі ер адам баланы зорға құтқарып қалған. Бала ауыр жарақат алған, құлағы жұлынған, денесінде көптеген тістелген жаралар бар. Қазір ол жансақтау бөлімінде жатыр.

Алматы облысы полициясы желіде тарап жатқан “қабаған иттің шабуылын тоқтатқан тұрғынды жауапқа тартады” деген ақпарат шындыққа жанаспайтынын айтты.
Аталған азаматқа қатысты процессуалдық шешімдер қабылданбаған. 

Кеше иттің иесі оқиғаның қалай болғаны жайлы өз нұсқасын айтып берген еді. 

Посмотреть эту публикацию в Instagram

Публикация от INUCOBO_RK (@inucobo_reserve)

Сіздің реакцияңыз қандай?

like

dislike

love

funny

angry

sad

wow