Жамбыл облысында дүркіретіп той өткізуге тыйым салынуы мүмкін

Жамбыл облысының әкімі тұрғындардың дүркіреген тойларға баратынын сынады.

Ербол Қарашөкеевтің айтуынша,  тойға шығындалатын қаражатты екі жастың қажетіне жарату керек.

«Егер Таразды алсақ, күн сайын 20-25 мың адам тойда жүреді. Одан да ата-аналар бұл ақшаны жинап, жастарға көмектескені жақсы болады деп ойлаймын», - деді ол.

Мәселені шешу үшін аймақ әкімшілігі қандай шара енгізетіні әлі белгісіз. Алайда қазір бұл үшін бастама жұмыстар жүргізіліп жатқан көрінеді.