«9 жыл күттік»: Елдос «Колобок» отбасындағы көптен күткен жаңалығын жария етті

ФБелгілі блогер Елдос Қадырханов тоғыз жыл күткен ерекше жаңалығын көпшілікке бөлісті. Ол жұбайы екеуі сәби күтіп жүргенін жария етті, деп жазады Sadaq.kz.

Көпшілікке "Елдос Колобок" есімімен танылған блогер бұған дейін сәбилі бола алмай жүргенін халық жақсы біледі.

Ол бірнеше ота жасап, жуырда ғана сәбилі болу мүмкіндігі пайда болғанын жеткізген. Ал бүгін жұлдызды жұп көпшіліктен сүйінші сұрап, отбасы үшін дұға еткен жандарға алғысын жеткізді. Блогерлер жақындарын жинап, гендер пати жасады.

"Сүйінші, қазақ елі! Аллаға шүкір, жеттік осы күнге. Балапан, біз сені күтеміз", - деп жазған ол гендер патиден видео жүктеді. Видеодан олар ұл бала күтіп жүргенін, ерлі-зайыпты қуаныштан көз жасын тыя алмағанын көруге болады.