Алматы облысында ұн шығаратын зауытта жарылыс болып, 4 адам зардап шекті

Алматы облысы Жібек жолы ауылындағы ұн шығаратын зауытта жарылыс болды. Зардап шеккен төрт адам аудандық көпбейінді ауруханаға жеткізіліп, қазір жансақтау бөлімінде жатыр,- деп жазады Sadaq.kz.

Qazaqstan телеарнасының мәліметінше, өрт 1380 шаршы метр аумақты шарпыған. Қазір зауыт маңы қоршалып тұр. Оқиғаның мән-жайы анықталуда.

Өртті 100 маман, 51 техника жұмылып, бес сағат дегенде сөндірген.

Күйік шалғанның жұмысшылардың біреуі - электрик, қалған үшеуі цех шебері болып жұмыс істейді. Дәрігерлер олардың жағдайына қатысты бізге де ақпарат бермеді. Ал компания басшысы зауытта өрт қауіпсіздігі техникалық талаптарға сай, деп отыр. Сондай-ақ науқастарға барлық материалдық көмек көрсетіледі деп уәде етті. 

Полицейлер қылмыстық іс қозғалғанын хабарлады.