Алматыда қайырымдылық қорының басшысы жасөспірімді базарда қайыр сұрауға мәжбүрлеген

Алматыда қайырымдылық қорының басшысы 15 жастағы жасөспірімді базарда қаражат жинауға тартқан.

Алматы сотының мәліметінше, бұл іс бойынша қор директорына қатысты ҚР ӘҚБтК-нің 128-бабы 1-бөлігі бойынша әкімшілік іс қозғалған. Яғни кәмелетжасына толмаған жасөспірімді қоғамдық тәртіпті және қайырымдылық қызметті реттейтін заң талаптарын бұзуға итермелеген.

"Сот отырысында қор директоры өз кінәсін мойындап, іс материалдарында көрсетілген мән-жайларды растады. Әкімшілік құқық бұзушылық жинақталған дәлелдемелер, сондай-ақ кәмелетке толмаған жасөспірімнің және директордың өз сөздерімен расталды", - делінген хабарламада.

ӘҚБтК-нің 128-бабы 1-бөлігі бойынша жеке тұлғаларға 50 АЕК мөлшерінде айыппұл салуды қарастырады.

Алматы қаласының кәмелетке толмағандардың істері жөніндегі мамандандырылған ауданаралық соты жасалған құқық бұзушылықтың сипатын, кінәлінің жеке басын және жауаптылықты ауырлататын мән-жайлардың жоқтығын ескере отырып, оны кінәлі деп танып, 196 мың теңгеден астам айыппұл салды.