Ангелина Лукас чемпиондық атағынан айырылып қалды
Қазақстандық кәсіпқой боксшы, IBO, WBF және WIBF белбеулерінің иегері Ангелина Лукас бірнеше күн бұрын Мысырда WBA Gold World Champion атағы үшін өткен соңғы жекпе-жегінің қорытындысы жарамсыз деп танылғанын мәлімдеді. Ол бұл туралы өзінің әлеуметтік желідегі парақшасында айтты, деп жазады sadaq.kz.
Каирде өткен кездесуде ол америкалық Кэтрин Ренниге есе жіберген еді, алайда жекпе-жектің нәтижесі ресми түрде қайта қаралды.
Белгілі болғандай, бұл жекпе-жек жарамсыз деп (No Contest) танылды. Мұндай шешім Ренненің тарапынан анықталған ережебұзушылықтардан кейін қабылданған: америкалық спортшы допинг-тесттен өте алмаған, сондай-ақ төрешілер хаттамаларында айтарлықтай қателіктер анықталған.
«Жекпе-жек ресми түрде жарамсыз деп танылды. Қарсыласымның жеңісі күшін жойды: ол допинг-тесттен өтпеді, сонымен қатар төрешілердің жұмысында елеулі кемшіліктер табылды. Мен үшін ең маңыздысы - рингке адал шығып, соңғы секундқа дейін барымды салдым», - деп жазды Лукас әлеуметтік желілерде.
Еске сала кетейік, бірнеше күн бұрын Каирде қазақстандық боксшы Катрина Рене Линдемутпен он раундтық кездесу өткізген. Алғашында бұл айқас америкалықтың пайдасына төрешілердің бөлек шешімімен аяқталып, Лукас карьесіндегі екінші жеңіліс болуға тиіс еді, алайда қайта қараудан кейін нәтиже күшін жойды.
Посмотреть эту публикацию в Instagram
Сіздің реакцияңыз қандай?
