Астанада «Шапағат» сауда үйі өртеніп жатыр

Астанада Сарыарқа ауданындағы “Шапағат” комунналдық базарында өрт шықты. Адамдарға жаппай эвакуация жасалды. 

Жергілікті жерде жедел штаб құрылып, 3 жауынгерлік учаске ұйымдастырылды, деп хабарлады ТЖД.

"Газ-түтіннен қорғау қызметінің (ГТҚҚ) 5 буыны жұмылдырылды, іште адамдардың бар-жоғына тексеру жалғасуда.

Өрт орнына судың үздіксіз берілуін қамтамасыз ету үшін өртке қарсы гидранттарға қосылған 3 автоцистерна орнатылды.

Оқиға орнында ТЖД жеке құрамның 71 адамы және 20 бірлік техника жұмыс істеуде", - делінген хабарламада. 

Өрттің ауданы шамамен 400 шаршы метрді құрайды. Бұл әзірге ТЖМ-нің алдын ала ақпараты. 71 құтқарушы мен 20 техника жұмыс істеуде.