Атырау мұнай өңдеу зауыты авиакеросин өндірісі көлемін арттырды

Атырау мұнай өңдеу зауыты (АМӨЗ) 2024 жылғы өндірістік, қаржылық және экологиялық қызметін қорытындылады. Кәсіпорын жыл өткен сайын тиімділік пен тұрақтылықтың жоғары деңгейін көрсетіп келеді, деп жазады Sadaq.kz. 

АМӨЗ баспасөз қызметінің мәліметінше, 2023 жылмен салыстырғанда зауыт өндіретін екі өнім көлемінде айтарлықтай өсім бар.

Өндірістік көрсеткіштер 
2024 жылдың тамыз-қараша айларында жанармай шығынының нақты көрсеткіштері 8,45-9,80%-ды құрады, бұл 2023 жылдың сәйкес кезеңімен салыстырғанда 1-4%-ға, яғни нормативтік деңгейден (12,47-14,5%) едәуір төмен. 

Сұйытылған мұнай газы (СМГ) бойынша өндіріс көлемі 2023 жылмен салыстырғанда 6 322 тоннаға артып, қараша айында 23 080 тоннаға жеткен. Авиакеросин өндірісі 57%-ға өсіп, 23 848 тоннаны құрады. Мұнай өңдеу саласы 10 айда 4 583 407 тонна шикізат қайта өңделді. Бұл өткен жылдың сәйкес кезеңімен салыстырғанда 57 336 тоннаға артық. 

Қаржылық тиімділік 
АМӨЗ операциялық шығындарды оңтайландыру мәселесін де жалғастырып келеді. 2024 жылдың 10 айында шығындар 22% -ға төмендеп, жоспарланған 150,6 млрд теңгенің орнына 117,4 млрд теңгені құрады. Жөндеуге, материалдарға және экологиялық шығындарға үнемдеу сәйкесінше 59%, 20% және 75% құрады. Мұнай өңдеуге жұмсалатын үлестік шығындар тоннасына 54 887 теңгеге дейін төмендетілді (болжамнан 11 125 теңгеге төмен). 

Атырау мұнай өңдеу зауыты өңірдегі ірі салық төлеушілердің бірі болып қала береді. 2024 жылдың қаңтар-қараша айларында кәсіпорын 142 млрд теңгеден астам салық төледі. Оның 20,5 млрд-ы республикалық бюджетке, 121,5 млрд-тан астамы жергілікті бюджетке тиесілі. 2023 жылы Атырау қаласының салық түсімдері көлеміндегі АМӨЗ салықтарын төлеу үлесі 40%-ды құрады. Ағымдағы жылдың қорытындысы бойынша АМӨЗ жалпы сомасы 151,5 млрд теңге көлемінде салық төлемек. 

Экологиялық жетістіктер 
Атырау мұнай өңдеу зауыты экологиялық көрсеткіштерін жақсарту бойынша жұмыстарды да жалғастырып жатыр. Оның көрсеткіштері төмендегідей:
•    Ластаушы заттардың шығарындылары 11,9%-ға (1053 тоннаға) азайды.
•    Ағынды сулардың төгінділері 68 тоннаға азайтылды, бұл қондырғыларды қайта құрудың нәтижесі болды.
•    Тазарту құрылыстарын жаңғыртудың арқасында қалдықтар көлемі 39%-ға қысқарды.
•    Парниктік газдар шығарындылары 20 509 тоннаға (1,5%) азайды.

Жобалар және әлеуметтік қызмет 
Шетелде қызметкерлердің біліктілігін арттыру үшін халықаралық бағдарламалар орталығымен ынтымақтастық туралы Меморандумға қол қойылды. Ғылыми-техникалық жобаларды іске асыру үшін С.Өтебаев атындағы Атырау Мұнай және газ университетімен серіктестік іске қосылды. Ұжымның әлеуметтік тұрақтылығын арттыру үшін іс-шаралар өткізілді: әлеуметтік тұрақтылық индексі 9% - ға өсіп, 68% -ды құрады. 

Қазіргі таңда Атырау мұнай өңдеу зауытында 2525 адам жұмыс істейді. Олардың 43 пайызы – 35 жасқа дейінгі жастар. Еңбек жағдайларын жақсарту шараларының арқасында 2024 жылы кадрлардың тұрақсыздығы 2,31%-ға дейін төмендеген

Жөндеу жұмыстары 
Жоспарлы-алдын алу жөндеу аясында 2024 жылы 15 технологиялық қондырғы сәтті жаңартылды. Жөндеу жұмыстары кестеден бұрын аяқталды, бұл жоғары октанды бензиндер өндірісін тезірек қалпына келтіруге мүмкіндік берді. PEP Solomon бағдарламасы аясында операциялық тиімділікті арттыруға бағытталған 24 ұсыныс іске асырылды. Жаңа тәсілдерді енгізудің экономикалық әсері жылына 1,5 млрд теңгеден асты.