«Бақытты емес едім...»: Тоқал тойында билеген келіншектің жан сыры (ВИДЕО)

Желіде күйеуінің екінші тойында бірге билеп, көпшілікті таңғалдырған блогер Лимда Ибрагимова алғаш рет сол сәттегі шынайы сезімдерімен бөлісті. Оның айтуынша, сырттай «бақытты» көрінген бидің артында үлкен қасірет пен амалсыздық жатқан. Бұл туралы Sadaq.kz хабарлайды.

Лимда бұл жаңалықты екінші қызы дүниеге келерден небәрі екі күн бұрын естіп, тойға босанғаннан кейін бір ай өткенде баруға мәжбүр болды.

«Мен бақытты болғандықтан билеген жоқпын. Сол сәтте басқа жол көрмедім. Мені жай ғана ескертті, қалауымды ешкім сұрамады. Мен өз балаларымның толық отбасында өскенін қаладым, менде ондай отбасы болған жоқ», — дейді ол.

Блогер желіде сол түні көлік ішінде жылап отырған видеосын жариялады.

Лимда бұрынғы «төзімді» нұсқасының өлгенін және бұдан былай өзін құртатын нәрсені таңдамайтынын мәлімдеді.

«Мен бүгін басқа жолды таңдаймын. Өзімнің тыныштығымды, арымды және болашағымды таңдаймын. Балаларымның қасында психологиялық тұрғыда сау ана болуы үшін осылай істеуім қажет».

Айта кетейік, Қазақстанда көп әйел алуға заңмен тыйым салынған. Дегенмен, қоғамда «неке» қидыру арқылы екінші әйел (тоқал) алу тәжірибесі әлі де кездеседі. Лимданың бұл мойындауы көптеген әйелдердің «төзімділік» пен «отбасын сақтап қалу» жолындағы ішкі арпалысын тағы бір мәрте күн тәртібіне шығарды.