Баянауыл ұлттық паркіндегі негізгі өрт сөндірілді

Павлодар облысындағы Баянауыл ұлттық паркіндегі өрт ақыры сөндірілді. Қызыл жалынның жылдам өшуіне жауған жаңбырдың да пайдасы тиген, деп жазады sadaq.kz.

Естеріңізге сала кетейік, 4 сәуір де Жасыбай орманшылығында өрт шыққан болатын.

Баянауыл ауданының әкімдігі негізгі өрттің сөндіріліп, бықсып жанып жатқан жерлердегі отты өшіру жұмыстары жүріп жатқанын айтты. 

"Аудандық төтенше жағдайлар басқармасының мәліметінше, тек кейбір жерлерде бықсып жанып жатқан жерлер әлі де сақталып отыр. Оқиға орнында кезекші өрт сөндірушілер түні бойы жағдайды бақылаумен болады. Ал таңертең тың күш тағы жұмылдырылып, өртті толығымен жою жоспарланып отыр. Қазір аудан аумағында жаңбыр жауып тұр. Бұл жағдай табиғи апаттың тез арада ауыздықтауға өз септігін тигізген", – деп хабарлады аудан әкімдігінің баспасөз қызметінен.