«Дінімізге қарсы»: Алматы облысының тұрғыны зираттағы құлпытастарды қиратқан

Алматы облысының тұрғыны зираттағы құлпытастарды қиратқан. Оқиғаның видеосын журналист Диас Нұрақын желіге жүктеді, деп хабарлайды Sadaq.kz ақпарат порталы.

«Көлсайдың түбіндегі Саты ауылын соқыр сенім кезіп жүр. Осы ауылдың бір жігіті «дінімізге қайшы» деген желеумен зиратты талқандап тастапты. Өлген адамдардың құлыптастарын қиратып, жан-жаққа лақтырып кеткен. Жақындарының қабірі қорланғанын көрген аядай ғана ауыл тұрғындары ашулы», - дейді ол.

Видеодан зираттағы құлыптастардың қирап жатқанын көруге болады. 

«Бір есерсоқ бүтін бір ауылдың берекесін қашырады. Бір құмалақ бір қарын майді шірітеді. Мұның бәрі тик-ток имамдардың, уағызшыл ұстаздардың кесірі. Бір ғана кітап оқып алған, көкірегі соқыр адамдар соларға сеніп, асыл дінімізді ластап бітті», - деп жазды журналист.