«Экспертиза қорытындысы шықты»: Блогер Сабина Мовлаева әлеуметтік желіде тараған интим видеоның сараптама қорытындысын жариялады

Танымал блогер Сабина Мовлаева порнографиялық видеоға қатысты пікір білдіріп, тың мәліметті жариялады. Бұл туралы Kznews.kz ақпарат агенттігі хабарлайды.
Блогердің адвокаты жала жапқан кінәлі тұлғалардың жауапқа тартылатынын айтты.

«Мен өз сөзімде тұрдым. Өздеріңіз білесіздер, маған үлкен жала жабылды. Бүгін мемлекеттік экспертиза қорытындысы шықты», – деді блогер.

Тағы оқыңыз: «Эскорт қызмет ұсынатын қазақ қызы»: Сабина Мовлаеваға ұқсас қыздың кім екені белгілі болды (ВИДЕО)

Адвокат Есімбол Мамырхановтың сөзінше, портреттік сараптама қорытындысы видеодағы адамның Сабина емес екенін анықтаған.

«Мессенджерлер мен әлеуметтік желілерде интим және тіпті порнографиялық сипаттағы видео таратылып, салдарынан Сабина Мовлаеваны негізсіз айып тағылды. Қолымыздағы сот сараптамасының қорытындысына сәйкес, видеода мүлдем басқа әйел тұр. Сарапшылар заманауи криминалистика әдістерін қолданып, адамның бет-әлпетіне байланысты ұқсастықтар мен айырмашылықтарды нақты анықтады. Осы дерек бойынша біз полицияға жүгіндік. Қазіргі таңда жала жабу және порнографиялық материалдарды тарату фактісі бойынша қылмыстық іс тергеліп жатыр», – деді адвокат.