Есту қабілеті нашар такси жүргізушісіне жолақысын төлемей, қашып кеткен жолаушы ұсталды
Осыдан бірер күн бұрын әлеуметтік желілерде жолаушы құлағының мүкісі бар такси жүргізушісіне ақшасын төлемей, қашып кеткені туралы ақпарат тараған еді. Астана-Көкшетау бағытындағы такси жолаушысы жүргізушінің жағдайын пайдаланып, жол ақысын төлемей көліктен түсіп кеткен, - деп хабарлайды Sadaq.kz.
Ақмола облысы Полиция департаментінің мәліметінше, ол Көкшетаудың 30 жастағы тұрғыны болып шыққан.
"Азаматтың айтуынша, 24 қарашада сапарға шыққан, бірақ төлемей көліктен түсіп кеткен. Ол іс-әрекетін "қаржылық қиындықтарға байланысты" деп түсіндірді. Құқық қорғаушылар жолаушымен профилактикалық әңгіме өткізді. Ол сапар құнын толық өтеді", - деп жазылған хабарламада.
Полиция азаматтарды қылмыстық және әкімшілік заңнаманың нормаларын ғана емес, сонымен бірге өзара сыйластыққа негізделген қарапайым моральдық және адами принциптерді сақтауға шақырады.
Посмотреть эту публикацию в Instagram
Сіздің реакцияңыз қандай?
